Einxhel Shkira ka përfunduar me sukses operacionin në krah, pas lëndimit që pësoi mbrëmjen e kaluar teksa po argëtohej me banorët e tjerë të “Big brother Vip”.
Einxhel ka folur mbrëmjen e sotme për lëndimin që pësoi gjatë lojës në shtëpi dhe se banorët e morën si shaka. Ajo tha se ndihet mirë tashmë, por nuk munguan as përshkrimet për emocionet e banorëve të tjerë të shtëpisë.
“Jam shumë mirë. Më ka marrë malli që tani. Nuk është faji i banorëve në momentin që ndodhi nuk doja të përhapja panik dhe të merakoseshin familjarët. Qesha dhe menduan se po bëja shaka derisa e kuptuan.
Ndihma erdhi shumë shpejt por isha unë ajo që refuzova përveç qetësuesve. Banorët më kanë dhënë një suport dhe shërbim maksimal në shtëpi, nuk jam e surprizuar sepse e di që janë njerëz të mrekullueshëm që të gjithë. I kam parë të trembur kur më shikonin duke qarë. Ana humane është te gjithsecili dhe i falenderoj që janë ashtu siç janë.“, tha Einxhel nga spitali.
Theksojmë se nuk dihet ende nëse Einxhel do ta vazhdojë lojën apo do ta përfundojë me kaq aventurën e saj në Big Brother VIP.
