Stresi është një nga artistët më të komentuar të showbiz-it shqiptar dhe një nga personazhet më të pëlqyer të publikut. Së fundmi, reperi i njohur ka bërë një mini intervistë me ndjekësit e tij në “Instagram” nëpërmjet rubrikës “Ask me a question”.
Padyshim që nuk mund të mungonin edhe pyetjet lidhur me ish-të dashurën e tij, Kejsin. Reperi është pyetur nëse vazhdon lidhja e tij me Kejsin dhe për arsyen që ata janë ndarë. Ai është përgjigjur i bezdisur duke thënë se nuk vazhdon dhe se tema e lidhjes së tyre ishte e mbyllur me kohë.
“A vazhdon lidhja me Kejsin? Pse jeni ndarë me njeri-tjetrin?”- ka pyetur një ndjekës.
“Nuk vazhdon, nuk funksion. Është një temë e mbyllur prej 3 vitesh, nuk e di pse prap mbas tre vitesh bëni të njejtën pyetje.”- është përgjigjur ai.
Megjithatë, ajo çfarë ka tërhequr më shumë vëmendje është fakti se pak kohë pas publikimit të këtij ‘story’, ai ka vendosur që ta fshijë.
Ndërkohë, reperi gjithashtu është pyetur për relatat me artistët e tjerë.
“Pse këto artistat e tjerë nuk ndihmojnë aq sa ndihmon ti?”-pyeti një ndjekës.
“Shumica e tyre e kanë lënë, shumica s’patën prova, shumica kanë vdekur nuk i ngjall dot njeri. Çdo kush e merr atë që meriton në fund kur është njeri mosmirënjohës.”-tha reperi.
