Manastirliu inspekton punimet tek “Mbretëresha Geraldinë”: Brenda qershorit përfundon faza e parë

113 563 lexime

124,178FansaPëlqeje

Ministrja e Shëndetësisë dhe Mbrojtjes Sociale, Ogerta Manastirliu ka inspektuar punimet që po kryhen për rikonstruksionin dhe zgjerimin e maternitetit “Mbretëresha Geraldinë” Manastirliu tha se se brenda muajit qershor do të përfundojë faza e parë e projektit, për të vazhduar më pas me rikonstruksionin e të gjithë korpusit spitalor.

“Një vepër e infrastrukturës, jo vetëm që do të plotësojë kërkesat e mjekëve nga pikëpamja e cilësisë së shërbimeve, sepse do të zgjerojë kapacitetet, por nga ana tjetër do të krijojë kushte për t’u zhvilluar akoma më shumë përsa i përket burimeve njerëzore. Investimi po ecën me ritme të mira dhe ne kemi si objektiv ta përfundojmë përpara afatit që është vendosur në kontratë, do të finalizohet faza e parë brenda muajit qershor, për të vijuar më pas investimin në strukturën aktuale apo godinën klasike të maternitetit “Mbrëtëresha Geraldinë”, tha Manastirliu.

Gjatë inspektimit të punimeve në maternitetin “Mbretëresha Geraldinë”, Ministrja Manastirliu tha se programi për nënën dhe fëmijën është një program tashmë i shtrirë në të gjithë vendin, me investime që po kryhen nga veriu në jug.

“Programi për nënën dhe fëmijën është një program tashmë i cili është shtrirë në të gjithë Shqipërisë, në zemër të Shqipërisë në Tiranë me investimin madhor në maternitetin “Mbretëresha Geraldinë”; jemi gjithashtu duke investuar në bllokun e sallave të maternitetit “Koço Gliozheni” dhe në qendrën e gruas aty; po përfundojmë dhe një seri investimesh të rëndësishme në maternitete dhe në spitale pediatrike gjithashtu. Materniteti i Beratit hap dyert brenda muajit shkurt, ndërsa Brenda vitit do të kemi gjithashtu një maternitet të përfunduar të ri brenda korpusit të spitalit të Kukësit, për të gjithë zonën e veriut të vendit”, tha Manastirliu.

Lexo edhe :  “Ndërhyri në garën mes Olldashit dhe Bashës”/Deputeti i PD i nxjerr "të palarat” Berishës

Me projektin për rikonstruksionin dhe zgjerimin e maternitetit “Mbretëresha Geraldinë” do të ndërhyhet në tre plane: Ndërtimi i ri me 3 kate dhe një kat nëntokësor; Rikonstruksioni i plotë i godinës historike që do ruajë detajet e arkitekturës unike në fasadën e saj por dhe në hapësirat e brendshme të kësaj godine; Zgjerimi i objektit ekzistues të Obsetrikës.

Do të jetë një kantier i madh prej mbi 6 mijë metër katror, ku pjesën kryesore e zë godina e re, që përfshin shërbimet e laboratorit, imazherisë, urgjencës, Qendrën e Gruas si dhe dy shërbimet e Obsetrikës dhe Gjinekologjisë.

Të fundit

Mero Baze: Hipokrizia e Berishës me kandidatët e vet

Ka dy modele sjelljeje ndaj kandidatëve që kanë pretendime për votën preferenciale, e cila sipas tyre nuk është numëruar...

“Nuk jam Nesti Angoni”, çfarë po paralajmëron Myslim Murrizi?

Demokrati Myslim Murrizi sot ka shkruar një postim të gjatë në rrjetet sociale, ku ka vijuar me akuzat e tij brenda PD dhe ka...

“PD do të shkatërrohet nëse nuk dëgjon çfarë do elektorati, por ndjek Berishën”

nga SPARTAK NGJELA - E djathta shqiptare është në krizën e identitetit të saj - kjo është e vërteta politike e kësaj kohe. Dhe...

Blendi Kajsiu: Bashkia e Tiranës shkërrmoq propagandën për ‘vjedhjen’ e zgjedhjeve

Përralla e vjetër elektorale e berishizmit është se zgjedhjet nuk i humb Sali Berisha por i manipulon Edi Rama, me krimin e organizuar, me...

Jakin Marena: Vesi del me shpirtin, pse Berisha ‘përlotet’ për zgjedhjet në komunizëm?!

Kryetari i PD, Sali Berisha, po përdor të gjitha mënyrat dhe mjetet për të bindur mbështetësit e vet demokratë në alibinë e tij, se...

Lajme të tjera

Web TV