Kryetarja e Lëvizjes Socialiste për Integrim, Monika Kryemadhi, foli për rikthimin e Ilir Metës në krye të LSI-së.
Duke folur për Report Tv, Kryemadhi e cilësoi pozitën e Metës në krye të shtetit si një “burg politik” për të.
“Me shkarkim pa shkarkim për Ilir Metën nuk do të jetë asnjë problem pasi mezi po duron për të dalë nga “burgu politik”,-përfundoi Kryemadhi.
Konkretisht Meta u përfshi në një sërë replikash të ashpra dhe përplasje me Partinë Socialiste ku në fokus ishin zgjedhjet e 25 prillit.
Më pas, Kuvendi i Shqipërisë, miratoi me 104 vota pro, 7 kundër, 2 abstenim dhe 1 e pavlefshme raportin përfundimtar i Komisionit Hetimor. Mandati i Metës si President përfundon zyrtartisht më 24 Korrik të vitit 2022.
