Një prej fqinjëve të të moshuarit që ndërroi jetë sot si pasojë e flakëve në banesën e tij ka treguar për mediat se ka qenë ai që e ka shpëtuar të shoqen. Ai shprehet se nuk ka mundur të durojë më dhe ka dalë pa mundur ta shpëtojë 74-vjeçarin Musa Pajati që humbi jetën.
Fqinji tregon se kjo është hera e tretë që kjo banesë përfshihet nga flakët. Çifti i të moshuarve nuk kishin fëmijë dhe jetonin të vetëm në një banesë me qira.
“Janë burrë e grua pa fëmijë. Është hera e tretë që digjen brenda. E gjithë lagjia e di. Të dy janë sakatë. Gruan e shpëtova unë. Pastaj plasi gazi nuk munda më ai plaku vdiq. Njëri ka qenë sakat.
Ja ku e ka karrocën. Ata kanë qenë me qira këtu. Janë të sëmurë. Edhe gruaja është zonjë shkodrane. Ka punuar floktore. Prej dy vitesh kanë qenë këtu”, tregon ai.
