Jetëshkrim i shkurtër
Campbell, modelja që u përball me diskriminim racor
Naomi Cambell e lindur në 22 maj 1970, në Streatham, South London, është një modele britanike, aktore dhe këngëtare. Ajo është vajza e kërcimtarit xhamajkan Valerie Morris.
Dalja e saj e parë publike ishte në moshën 7 vjeçare, në 1978 kur ajo u përfshi në vidioklipin e Bob Marley “Is this love”. Në moshën 12 vjeçare ajo u përfshi në një tjetër vidioklip të Culture Club, me titull “I’ll tumble 4 Ya”. Në moshën 16 vjeçare fama e saj u rrit përtej çdo pritshmërie kur Naomi u bë pjesë e kopertinës së revistës “Elle”.
Cambell arriti të kthehej në një prej tre modeleve më të njohura dhe më të kërkuara në periudhën midis viteve 1980 dhe 1990, dhe ishte njëkohësisht një prej 6 modeleve të gjeneratës së saj të shpallura supermodele nga industria e modës.
Në vitet që pasuan, karriera e Campbell njohu sukses progresiv: ajo mori pjesë në pasarela për dizajnerë me famë botërore të modës sikurse ishin Gianni Versace, Azzedine Alaia dhe Isaac Mizrahi, si dhe pozoi për fotografë si Peter Lindbergh, Herb Ritts dhe Bruce Weber.
Përveç karrierës në modeling, Campbell ka marrë iniciativa të tjera të cilat përfshijnë një album muzikor në stilin R&B si dhe shumë dalje në filma dhe seriale, sikurse seriali konkursit të modelingut “The Face”. Campell është e përfshirë dhe në shoqata bamirësie për kauza të ndryshme.
Campbell është përballur me diskriminim racor, por pavarësisht kësaj ajo ka marrë mbështetje të madhe nga miqtë e saj jo me ngjyrë. Në dhjetor 1987 ajo u bë pjesë e kopertinës së revistës britanike Vogue, vajza e parë me ngjyrë që bëhet pjesë e kësaj kopertine që prej vitit 1966.
Në gusht 1988 ajo u shndërrua në modelen e parë me ngjyrë që shfaqej në kopertinën e revistës franceze Vogue.
Vitin pasues Naomi u shfaq në kopertinën e revistës amerikane Vogue, duke e kthyer në modelen e parë me ngjyrë që bëhet pjesë e serisë së shtatori të kësaj reviste, duke ditur se seria e shtatorit mbahet si seria më e rëndësishme e vitit.
Ajo është e bukur, fëmija që mban në krahë i bukur. Naomi Campbell fiton edhe një herë kopertinën e British Vogue, por jo vetëm. Në revistën mujore, supermodelja prezantoi vogëlushen, ardhja e së cilës u njoftua, çuditërisht, majin e kaluar. Gjithmonë e kam ditur që një ditë do të bëhesha nënë”, thotë ajo. Të kesh një fëmijë në moshën 50-vjeçare “është gjëja më e mirë që kam bërë ndonjëherë”. Emri i fëmijës ose rrethanat e lindjes së saj janë të panjohura, megjithëse Campbell theksoi se fëmija “nuk u birësua, është vajza ime” (supozohet se do të thotë vajza biologjike, në kuptimin që një fëmijë i birësuar është qartësisht gjithmonë dhe në çdo rast një fëmijë).
Një fëmijë engjëll
Lindja e fëmijës është bërë e ditur në Instagram me një foto me dy këmbët në duart e nënës dhe disa fjalë: “Një bekim i vogël më ka zgjedhur si nënë. E nderuar që kam këtë shpirt në jetën time, nuk ka fjalë për të përshkruar lidhjen që do të ndajmë gjatë gjithë jetës sonë, engjëlli im. Nuk ka dashuri më të madhe”.
Campbell theksoi se është “një gëzim i madh” dhe fëmija “është tashmë shumë e pavarur, inteligjente, e zgjuar. Ajo fle dymbëdhjetë orë çdo natë, është një engjëll fëmijë”. “Jam me fat. I pëlqen të udhëtojë si unë, nuk ankohet kur nisemi në ajër apo ulemi”, tha Campbell për Vogue gjatë një fluturimi mes Londrës dhe Katarit.
“Ajo pothuajse nuk qan, është pothuajse gati të flasë. Filloi të përshëndesë, gjë që është shumë argëtuese. Qesh shumë. Tashmë ka gjashtë dhëmbë dhe mund të ecë para se të zvarritet.
Entuziazmi i mamasë së supermodeleve: pjesa tjetër, specifikon ajo, do të tregohet në një libër (të cilin ende nuk ka filluar ta shkruajë). Në moshën 51-vjeçare, Campbell është një legjendë edhe nëse nuk ka ndalur kurrë së punuari (dhe, siç thekson Vogue, “askush nuk e komandon një pasarelë si Naomi, tani apo atëherë”).
“Më pëlqen akoma, edhe nëse është e frikshme: jam 51 vjeçe dhe eci përkrah vajzave që janë 18”.
Argëtohej më shumë se atëherë?
“Sigurisht. Isha me vajzat e mia”, Linda Evangelista, Cindy Crawford dhe Christy Turlington. “Është bukur të jesh me vajza të reja, por më duhet të them se në moshën time ndonjëherë më vjen si, “Ec pra, ec, vendos këmbët lart, pse je kaq e ngadaltë? Mendoj se kishte më shumë gëzim atëherë. Qeshnim. Mund të tregonim personalitetin tonë. Bënim tetë shfaqje në ditë dhe në mbrëmje dilnim me stilistët të festonim. Pyes veten nëse brezi i ri do të mund ta përballonte me të njëjtin ritëm”. Dadoja Crawford dhe Turlington ishin ndër personat e parë që takuan vajzën e Campbell-it, ndërsa Evangelista ishte e zënë me një padi për një procedurë që premtonte djegien e dhjamit dhe që do ta shpërfytyronte atë. “E admiroj shumë, ajo është e fortë, unë jam me të”, tha Naomi, e cila me miqtë e saj po realizon një dokumentar televiziv të prodhuar nga Ron Hoëard, The Supermodels.
Vogëlushja?
Ajo është gjithmonë pranë saj së bashku me një dado, “një grua fantastike” (e punësuar me rekomandimin e “një shoqeje shumë kërkuese”). E lindur dhe e rritur në Streatham, Londrën jugore, së bashku me një rreth grash xhamajkane “të forta dhe besnike”, nga nëna e saj Valerie te gjyshja e saj që e mësoi “të gatuajë dhe pastrojë shtëpinë”, ajo beson se disiplina është thelbësore dhe shpreson për t’ia kaluar edhe vajzës së saj, me të cilën po rizbulon aksesorët e fëmijërisë që si fëmijë “as që i ëndërroja”, nga lodrat e reja e deri tek kukullat.
Burimi: corriere.it/ Përgatiti për botim: L.Veizi
