Kush është gruaja e parë në botë e shëruar nga HIV

113 563 lexime

124,178FansaPëlqeje

Një grua me origjinë kaukaziane me banim në SHBA është personi i tretë në botë që shërohet nga HIV. Pacientja, e cila bëri një transplant të qelizave staminale për t’u trajtuar për një formë leuçemie, është femra e parë që kalon në remision të plotë nga infeksioni; dhe është pikërisht historiku i racave të përziera që i ka drejtuar mjekët drejt një terapie të bazuar në qelizat e kordonit kërthizor të një dhuruesi dhe jo – siç ka ndodhur deri tani – në ato të palcës së kockave.

Pasi u diagnostikua me HIV në 2013, pacientja, identiteti i të cilës nuk dihet, po trajtohej me terapi antiretrovirale – standardi klinik që rekomandohet tani për pothuajse të gjithë njerëzit me HIV – i cili e ka mbajtur virusin nën kontroll. Në vitin 2017, leuçemia akute mieloide, një kancer gjaku që sulmon qelizat e palcës së eshtrave, e detyroi gruan t’i nënshtrohej një transplanti.

Nëse ajo do të kishte qenë e bardhë, pacientja do të kishte më shumë gjasa të gjente një palcë të përputhshme në regjistrin e dhuruesve, kryesisht kaukazian. Kështu, mjekët nga Rrjeti Ndërkombëtar i provave klinike të AIDS-it në IMPAACT iu drejtuan një burimi tjetër të qelizave staminale për të ripopulluar palcën e kockave me qeliza të shëndetshme: një kordon kërthizor. Në fakt, gjaku i kordonit nuk kërkon që dhuruesi dhe marrësi i një transplanti të kenë profile imunologjike të mbivendosura në mënyrë perfekte, edhe nga pikëpamja etnike.

Qelizat burimore të kordonit (të afta të diferencohen dhe të specializohen në një nga llojet e shumta të qelizave në trupin e njeriut) janë përdorur prej kohësh në transplantime për të trajtuar kancerin e gjakut, megjithatë ato duhen javë përpara se të shartohen dhe formohet një popullatë e madhe e qelizave të bardha të gjakut në palcën e kockave: një rrezik i madh për ata me infeksion kronik HIV. Për këtë arsye, gruaja merrte edhe transfuzione gjaku periodike nga një i afërm i përputhshëm, një lloj “ure” për të lejuar që transplanti të ishte i suksesshëm.

Lexo edhe :  Dublini i vetmi kryeqytet i madh europian pa metro

Ajo funksionoi: 37 muaj pas transplantimit, pacientja ndërpreu terapitë antiretrovirale dhe 14 muaj pas ndalimit ajo ishte e lirë nga virusi – në gjakun e saj nuk ka asnjë gjurmë HIV ose antitrupa kundër tij. Rasti klinik, i cili ende nuk është përshkruar në një revistë shkencore, u prezantua gjatë edicionit të vitit 2022 të Konferencës për Retroviruset dhe Infeksionet Oportuniste (CROI) .

SI ISHTE E MUNDUR KJO? Qelizat e kordonit kërthizor të donatorëve mbanin dy kopje të gjeneve me mutacionin CCR5 delta-32 në ADN-në e tyre, të cilat ndryshojnë shprehjen e receptorit (porta e qelizave) që HIV zakonisht përdor për të infektuar. Në praktikë, qasja në virus është e bllokuar. Dhe meqenëse pas tre muajsh nga transplanti, qelizat e bardha të gjakut të pacientes tani ishin të përftuara tërësisht nga ato të dhuruesit, dhe për këtë arsye kishin mutacionin mbrojtës.

 

Të fundit

Lady Diana, princesha që la klasën e parë për të ndihmuar nënën me fëmijë tek ekonomiku

Lady Diana është lajm sa herë përmendet emri i saj, për gjithë thjeshtësinë dhe ngrohtësinë që shfaqte si princeshë....

Skandal financiar në Britani, nis hetimi për mashtrim në projektin gjigand HS2

Një hetim i thelluar është hapur në Mbretërinë e Bashkuar pas dyshimeve për mashtrim fiskal dhe keqpërdorim fondesh në një nga projektet më ambicioze...

Zbulohet lista: Kush janë futbollistët më të paguar të Botërorit të klubeve?

Leo Messi përfaqëson MLS-në në Botërorin e klubeve si lojtari më i paguar i kontinentit amerikan dhe është pjesë e listës së 20 futbollistëve...

Anija kozmike e Agjencisë Hapësinore sjell pamjet e para të polit jugor të Diellit

Videoja dhe imazhet e para të polit jugor të Diellit janë dërguar në Tokë nga anija kozmike Solar Orbiter e Agjencisë Hapësinore Evropiane. Imazhet...

Befasia e madhe nga Juventusi: 70 mln euro për sulmuesin më të kërkuar në Europë

Përveç klubeve të Premier League, në garë për Viktor Gyökeres futet seriozisht edhe Juventus. "Corriere dello Sport" raporton se Juventus, brenda pak ditësh do...

Lajme të tjera

Web TV