Në fushatën e tij zgjedhore, presidenti i Rusisë prezanton armë të reja të shkatërrimit në masë: propagandë apo kërcënim real?
Në mes të fushatës elektorale, në funksion të zgjedhjeve presidenciale të 18 marsit, Vladimir Putin zgjedh një temë të nxehtë për të tërhequr turma dhe votues: ai flet për armët e reja sekrete ruse. Këto përfshijnë një raketë të posaçme lundrimi që mbart një kokë bërthamore dhe shtyhet nga forca bërthamore.
Gjatë periudhës së Luftës së Ftohtë, amerikanët studiuan gjithashtu një raketë me energji bërthamore, por kurrë nuk bënë asgjë me të: testimi i saj konsiderohej shumë i rrezikshëm, veçanërisht gjatë fazave delikate të nisjes dhe – në teste – të rihyrjes, kur ndonjë mosfunksionim mund të kishte rezultuar në një fatkeqësi bërthamore.
Në videot e shfaqura nga Putin gjatë prezantimit të tij (dhe për vërtetësinë e të cilave nuk ka mendime unike), raketa shkon rreth planetit, por nuk shkon në orbitë: fuqia e shtytjes bërthamore e lejon atë të udhëtojë nëpër ajër dhe të ndryshojë kursin. (Mos harroni se është një raketë, jo një aeroplan).
Me ironinë cinike që tashmë jemi mësuar, Putini shfaqi edhe një animacion ku raketa e re godet aksidentalisht vilën Mar-a-Lago (Palm Beach, Florida), rezidenca dimërore e presidentëve amerikanë.
