Qeveria e Lituanisë ka njoftuar se do t’u kërkojë prokurorëve në Gjykatën Penale Ndërkombëtare të hetojnë “krimet e luftës dhe krimet kundër njerëzimit në Ukrainë”.
Kryeministrja lituaneze është shprehur se janë mbledhur materiale të reja dhe janë bërë gati për të paraqitur kërkesën.
“Ka materiale të reja që vijnë çdo ditë, por ne kemi mjaft prej tyre deri tani për të paraqitur kërkesën,” tha kryeministrja lituaneze Ingrida Simonyte në një komunikim për mediat.
