Një lloj tjetër lufte po zhvillohet në kufirin perëndimor të Ukrainës, pasi shumë të rinj nuk duan të shkojnë në fushën e betejës dhe po përpiqen të ikin jashtë vendit.
Videot tregojnë se si dhunohen të rinjtë e kapur pranë kufirit me Rumaninë, duke u përpjekur të arratiseshin.
Shumë i quajnë frikacakë, ndërsa disa të tjerë tradhtarë.
“Unë nuk jam i pafe. Shumë nga miqtë e mi tashmë janë larguar. Kushdo që ka mundësi, largohet,” i tha Sky News një i ri ukrainas që vendosi të shkonte jashtë shtetit për të shmangur rekrutim.
Ai e kaloi kufirin përmes maleve, pasi kishte paguar 6000 dollarë si çmim për të dalë nga vendi. “Kam nevojë për paqe, më së shumti për mua”, thotë ai.
“Këta njerëz nuk janë gati të vdesin. Dhe të rinjtë nuk janë gati të varrosen të gjallë. Shumë vijnë tek ne për ndihmë”, tha një nga trafikantët që pranon se nuk i vjen aspak turp për veprimin e tij.
Arrestohen të dyshuarit për refuzim të rekrutimit Për momentin, autoritetet po përpiqen të ndalojnë problemin. Ushtria ka nevojë për rekrutë. Megjithatë, mijëra ukrainas po përpiqen të largohen për në Ukrainë.
Çdo javë, autoritetet arrestojnë si personat që tentojnë të arratisen, ashtu edhe personat që dyshohen se janë kundërshtarë të ndërgjegjes.
Në dhjetor, Ukraina kishte nevojë për më shumë se gjysmë milioni ushtarë të rinj, një çështje që presidenti i vendit, Volodymyr Zelensky, e kishte përshkruar si shumë të ndjeshme./e.t
