U fut në minutën e 46-të kur skuadra e tij po vuante sepse West Ham po luante mirë dhe barazoi, por i mjaftuan disa minuta për të fituar penalltinë që shoku dhe kapiteni i ekipit Warde-Prose realizoi, ndërsa në minutën e 97-të shënoi golin që mbyll sfidën 3-1 dhe i jep Southamptonit kalimin e turit në Kupën FA!
Po flasim për talentin më të madh shqiptar që është parë, Armando Broja! Njeriu që kthen në gol gati çdo rast që i shfaqet dhe që në Premier tashmë janë bërë shumë skuadra që e duan.
Në fund të sezonit do të kthehet te Chelsea, për t’u provuar në grumbullim nga Tuchel, që më pas do të vendosë se çfarë do të bëjë.
Ndërkohë, Shqipëria duhet ta përkëdhelë, ashtu si trajneri Reja. Eshtë goli i nëntë këtë sezon për djaloshin kuqezi, që në FA nuk kishte shënuar kurrë por vetëm në Premier dhe League Cup.
Një rekord për futbollistët shqiptarë në Premier League ky!
Some player #Broja #goal pic.twitter.com/Uyh16oEsvY
— Craig Goody (@CraigGoody1979) March 2, 2022
