Gazetari dhe moderatori i njohur Blendi Fevziu ka publikuar një foto komike në rrjetin social facebook, duke dhënë kështu edhe një mesazh për luftën Rusi-Ukrainë.
Ai ndodhet për një vizitë prej disa ditësh në Ukrainë, ku ka parë edhe nga afër sesi është situata nga bombardimet ruse.
Por, në rrjetet sociale nuk kanë munguar edhe memet me Fevziun, të cilat ai i merr me sportivitet dhe i shpërndan në llogarinë e tij.
“Më në fund mora vesh nga lajmet që jam zënë rob në Ukrainë”, shkruan Fevziu ndër të tjera.
Postimi i plotë:
“Me ne fund mora vesh nga lajmet qe jam zene rob ne Ukraine. Sic e shihni barku nuk le fare vend per performance ushtarake. Pa llogarit mungesen e flokeve qe ben te te thaje koka nga i ftohti. Gjithsesi zgjidhja me e mire e luftes do kishte qene qe ruset te dorezonin vertet armet dhe te refuzonin te luftonin kunder nje vendi me te cilin kane qene per vite vellezer dhe ndaj te cilit po kryejne nje agresion duke shkelur cdo traktat dhe te drejte nderkombetare. Dhe duke marre njekohesisht ne qafe edhe miliona ruse te thjeshte qe jane kunder kesaj lufte. #freeukraine”
