Roberto Saviano është një shkrimtar dhe gazetar italian. Në shkrimet e tij, ai përdor literaturë dhe raportim investigativ.
Pas marrjes së kërcënimeve me vdekje në 2006 të bëra nga klani Casalesi i Camorra, Saviano u vu nën një siguri të rreptë dhe jeton nën mbrojtjen e policisë.
Saviano ka shpërndarë një video në Facebook ku shihet Severodonetsk, një qytet i Ukrainës teksa po bombardohet. Ai shkruan se zhurma që europa ka dëgjuar herën e fundit në luftën civile në ish-Jugosllavi, në Siri dhe në shumë vende të tjera të botës nuk është ndalur kurrë.
“Merrni disa sekonda dhe dëgjoni. Kjo nuk është bubullimë, është zhurma e artilerisë e kombinuar me atë të një bombardimi ajror të Severodonetsk. Kjo zhurmë, e cila duket si një stuhi vetëtimash dhe bubullimash, është ajo që Evropa dëgjoi herën e fundit në luftën civile në ish-Juogsllavi, por që në Siri dhe në shumë vende të tjera të botës nuk është ndalur kurrë. Ne jemi ata që nuk e dëgjojmë më.”
