Presidenti ukrainas Volodymyr Zelensky dhe kryeministri izraelit Naftali Bennett folën të shtunën në mbrëmje për mënyrat për ta ndaluar luftën në Ukrainë dhe përpjekjet e Izraelit për ta zgjidhur konfliktin, sipas një deklarate nga zyra e kryeministrit të Izraelit.
Biseda mes dy liderëve zgjati më shumë se një orë, tha zyra e Bennett, raporton CNN.
Pas thirrjes, Zelensky shkroi në Twitter se ai foli me Bennett për “agresionin rus dhe perspektivat për bisedimet e paqes” dhe kërkoi ndihmë për të siguruar lirimin e “kryebashkiakut të robëruar të Melitopolit dhe figurave publike lokale”.
Më parë, zyrtarët izraelitë dhe ukrainas mohuan raportet se Bennett i bëri presion Zelenskyt që t’i pranonte kushtet e Rusisë për t’i dhënë fund luftës.
