Gazetari italian Roberto Saviano ka reaguar shumë herë rreth situatës së krijuar në Ukrainë. Ai ndan video nga lufta, ku bën edhe komentet e tij.
Së fundmi ai ka shpërndarë një video nga një urë në Irpin dhe ndan me ndjekësit rrëfimin e kolegut të gazetarit të vrarë nga forcat ruse.
Më tej, gazetari italian thotë se vrasja e gazetarit amerikan ishte e qëllimshme sepse të godasësh ata që tregojnë luftën është hapi i parë për të kontrolluar historinë e luftës.
Statusi:
“Ne kishim kaluar një urë në Irpin, donim të filmonim ikjen e refugjatëve, gjetëm një makinë që ofroi të na çonte në urën e dytë, kaluam një pikë kontrolli. Brent Renaud u qëllua në qafë, u ndamë, ai mbeti pas”.
Kështu dëshmoi Juan Arredondon, reporteri që u sulmua nga ushtria ruse së bashku me kolegun e tij amerikan Brent Renaud, i cili u vra. Nga dëshmitë e para duket se ka qenë një zgjedhje e qëllimshme e ushtarëve rusë kundër gazetarëve. Goditja e atyre që tregojnë historinë e luftës është hapi i parë për të kontrolluar historinë e luftës.
