Ministri i Jashtëm i Turqisë, Mevlut Cavusoglu, po ndërmjetëson në bisedimet e paqes midis Ukrainës dhe Rusisë. Ai tha për mediat se nuk është një gjë e lehtë të negociosh, ndërkohë që lufta po vazhdon dhe civilët po vriten, megjithatë shprehu edhe disa doza optimizmi duke thënë se palët janë afër një marrëveshjeje.
Këtë javë Cavusoglu vizitoi Rusinë dhe Ukrainën, pasi Turqia ka lidhje të forta me të dy palët. Ministri turk ka bërë me dije se palët po negociojnë për gjashtë pika kyçe:
1. Neutraliteti i Ukrainës.
2. Çarmatimi dhe garancitë e sigurisë.
3. “Denazifikimi” i Ukrainës.
4. Heqja e pengesave në përdorimin e gjuhës ruse në Ukrainë.
5. Statusi i rajonit separatist të Donbasit
6. Statusi i Krimesë i aneksuar nga Rusia në 2014.
