Australiani Julian Assange, ndryshe i njohur si themeluesi i “Wikileaks”, i cili po lufton për të shmangur ekstradimin në Shtetet e Bashkuara, nënshkroi një certifikatë martese që zyrtarizoi ligjërisht marrëdhënien e dashurisë me Stella Moris, e cila është avokate e tij që nga viti 2011.
Ceremonia u zhvillua në një burg të sigurisë së lartë që ndodhet në juglindje të Londrës, ku Julian Assange mbahet prej tre vitesh.
Ceremoni sekrete
Për shkak të rregulloreve strikte në fuqi, ceremonia ishte e aksesueshme vetëm për katër të ftuar, dy dëshmitarë dhe dy oficerë sigurie që punonin në burg.
Stella u shfaq në burg e shoqëruar nga dy fëmijët e saj të vegjël dhe e veshur me një fustan të dizajnuar nga Vivienne Westwood.
“Kjo nuk është një dasmë burgu, është një deklaratë dashurie dhe qëndrueshmërie pavarësisht mureve të burgut, pavarësisht persekutimit politik, pavarësisht ndalimeve arbitrare, pavarësisht dëmeve dhe ngacmimeve të shkaktuara ndaj Julianit dhe familjes sonë”, tha ajo.
First picture of Julian Assange Fiancee Stella Moris in her wedding dress ahead of todays Belmarsh Wedding. Pictured with their two young children Gabriel and Max #AssangeWedding #FreeAssangeNOW pic.twitter.com/Wh5fYoWuuo
— WikiLeaks (@wikileaks) March 23, 2022
Mbulimi mediatik
Dhjetëra media që tentuan të pasqyronin ngjarjen, dëshmuan se nusja mbante në duar një buqetë me lule. Brenda burgut Assange ishte duke pritur për nusen e veshur me një fustan, duke iu referuar origjinës së tij familjare.
Vlen të theksohet se themeluesi i ‘WikiLeaks’ ka qenë i burgosur në Belmarsh që kur qeveria ekuadoriane e ish-presidentit Lenin Moreno, i hoqi mbrojtjen diplomatike dhe ra dakord që forcat e policisë britanike të vazhdonin me arrestimin e biznesmenit me qendër në objektet e Ekuadorit.
Julian Assange vazhdon një luftë të përhershme për t’iu shmangur drejtësisë amerikane pasi ai përballet me 17 akuza për spiunazh për zbulimin e materialeve të klasifikuara ushtarake dhe mund të marrë një dënim me 175 vjet burg.
