Padyshim që kryefjala e diskutimit në lajmet e showbizit ishte shuplaka që Will Smith i dha aktorit Chris Rock gjatë ndarjes së çmimeve Oscar. Daily Mail ka publikuar një tjetër video të re ku shihet shuplaka që Smith i dha komedianit, ku e gjithë vëmendja është përqendruar te reagimi i Jada Pinkett Smith.
Kjo e fundit shfaqet duke qeshur, ndërsa mban shikimin e saj të fiksuar tek Chris Rock pasi burri i saj e godet.
Videoja e postuar në TikTok është xhiruar nga dyshemeja e Teatrit Dolby në Hollywood ditën e diel, duke hedhur akoma më shumë dritë mbi sulmin.
Edhe pse fytyra e saj nuk mund të shihet qartë, Pinkett Smith duket se qesh menjëherë pas shuplakës, ndërsa Rock reagon duke thënë: ‘Uau, Will Smith sapo më bëri m*t’.
