Kopshti “Zarife Hasanaj” në Paskuqan të Kamzës, është një institucion arsimor i riparuar në kuadër të Programit “EU4Schools”. Ky kopsht është pajisur me shkallë emergjence, rampa e tualete për fëmijët me aftësi të kufizuara, sistem ngrohjeje qendrore me energji elektrike, me sistem kamera, sistem kundra zjarrit e sistem kundra vjedhjes, etj.
Edukatorja, Bardha Lleshaj e cila ka 22 vite që punon në këtë kopsht shprehet se gjendja e sotme nuk ka të krahasuar me të shkuarën dhe se mjediset me klasat moderne e pajisjet e reja janë jashtëzakonisht të përshtatshme për fëmijët e komunitetit.
Deri tani, janë rindërtuar ose riparuar 23 objekte arsimore që prej nisjes së programit në prill të vitit 2020, të cilat u shërbejnë drejtpërdrejtë 7,325 fëmijëve/nxënësve dhe 445 mësuesve.
