PD rikthen “patronazhistët”, kritikon komisionerin

113 563 lexime

124,178FansaPëlqeje

Patronazhistët e Partisë Socialiste dhe pagat e tyre kanë qenë dje temë diksutimi në komisionin e ligjeve, ku i ftuar ishte Komisioneri për Mbrojtjen e të Dhënave Personale, Besnik Dervishi. PD ka kritikuar komisionerin se ka dështuar në mbrojtjen e të dhënave personale.

 Opozita cilësoi punën e Komisionerit për Mbrotjen e të Dhënave Personale si të dështuar. Gjatë shqyrtimit në Komisionin e Ligjeve të raportit vjetor të këtij institucioni, PD-ja u shpreh se Komisioneri nuk i mbrojti të dhënat e qytetarëve nga patronazhistët e PS-së, ndërsa Besnik Dervishi justifikoi punën, duke nënvizuar se të gjitha gjetjet ia ka referuar SPAK-ut dhe Prokurorisë. Puna e Komisionerit për Mbrojtjen e të Dhënave Personale nuk mori nota lavdëruese nga opozita në Komisionin e Ligjeve. Gjatë prezantimit të raportit për veprimtarinë e institucionit për vitin 2021, Besnik Dervishi evidentoi si problematika kryesore daljen në publik të të dhënave të qytetarëve shqiptarë, fillimisht nëpërmjet regjistrit të patronazhistëve, më pas listëpagesat dhe targat e automjeteve. “Zyra e Komisionerit, me përfundimin e hetimit administrativ, ka pasur një komunikim me SPAK dhe organin e Prokurorisë, ku të gjitha gjetjet që janë konstatuar, së bashku me aktet përfundimtare, janë vënë në dispozicion të organit të hetimit”, tha Dervishi. Rrjedhja e të dhënave personale të qytetarëve është futur në të gjitha raportet ndërkombëtare për Shqipërinë, që nga ai i ODIHR për zgjedhjet parlamentare, deri tek ai i Departamentit Amerikan të Shtetit, ku cilësohet si çështje shqetësuese. Mosgjetja e autorëve për opozitën bën me faj edhe Komisionerin për mbrojtjen e të dhënave personale. Deputetja e Partisë Demokratike Dhurata Çupi ka hedhur akuza mbi komisionirin duke i thënë se ka dështuar. “Ju jeni një institucion i dështuar sa i takon kësaj. Rrjedhja e të dhënave personale, përfshirja, preferencat politike, rrjedhja më pas e të dhënave personale për pagat apo targat e makinave, janë ngjarje të rënda sa i takon të mirës publike”, tha Çupi. Mazhoranca nga ana e saj nuk mbajti qëndrim, duke nënvizuar se notat finale do t’i vendosë në rezolutën që do t’i propozojë për miratim Kuvendit.

Lexo edhe :  ‘Burgu 313’ voton Ilir Metën, kreu i PL merr 58 vota

Korça me prefekt të ri, ikën ish-ushtaraku

 Nertil Jole do të jetë prefekti i qarkut të Korçës duke nisur nga dje. Vendimi është marrë në mbledhjen e qeverisë, ku mësohet se ai do të zëvendësojë në këtë post Dhori Spirollari. Ky i fundit u lirua nga detyra, për motive që nuk dihen. “Lirimin dhe emërimin në detyrë të prefektit të qarkut të Korçës. Në mbështetje të neneve 100 e 114, të Kushtetutës, dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave. Dhori Spirollari u emërua në këtë post në 1 nëntor 2017, në kohën kur kryeministri Rama i shkarkoi të gjithë prefektët dhe emëroi të rinj, të cilët më parë kanë qenë ushtarak. Ndërkohë, prefekti i ri, Nertil Jole, përvojën e parë në punë e ka filluar në Bashkinë e Tiranës pranë zyrës së urbanistikës, ku punoi për rreth 2 vjet (2011-2012). Nga shtatori i 2013 deri në fund të vitit 2017 ishte Drejtor i Zhvillimit të Territorit në Ministrinë e Zhvillimit Urban. Ndërsa përgjatë periudhës 2018-2022 ka punuar një vit si Koordinator në Departamentin Rregullator dhe Përputhshmërisë në Kryeministri, si dhe tre vite të tjera si drejtor i Politikave dhe Prioriteteve në Kryeministri. Jole vazhdimisht ka qene aktiv me opinionin e tij për tema të aktualitetit politik në median e shkruar dhe atë vizive.

Të fundit

Nënë e bir diplomojnë në të njëjtën ditë!

Një nënë dhe biri i saj po festojnë diplomën e tyre master nga Universiteti Kristian i Teksasit. Kyle Fields dhe...

Eurostat: Shqipëria, vendi më i varfër i Europës në 2024 (SHIFRAT ZYRTARE)

Në vitin 2024, Shqipëria kryesoi listën e vendeve të Europës për nivelin e ulët të jetesës, ku sipas shifrave, gjysma e popullsisë në vendin...

Një mace shpëton miken e saj nga sulmi i qenit, pamjet bëhen virale (VIDEO)

Në Brazil, një mace shpëtoi miken e saj nga një sulm qeni. Një video e publikuar së fundmi tregon një mace duke e hapur derën...

Dosja kundër Berishës, gazetarja zbulon detajet: Provat, deri në dy vite…

Gjykata e Posaçme ka kaluar për gjykim dosjen "Partizani" në ngarkim të ish-kryeministrit Sali Berisha, dhëndrit të tij, Jamabër Malltezi dhe personave të tjerë...

Të gjitha herët që u përpoqën ta helmonin James Bond (dhe dështuan)

Ja mënyrat më të çmendura se si agjenti 007 arriti të shmangte vdekjen e sigurt, pavarësisht se iu administruan substanca toksike, normalisht vdekjeprurëse për çdo...

Lajme të tjera

Web TV