Pasditen e djeshme në Pogradec janë regjistruar të shtëna me armë zjarri dhe i plagosur ka mbetur 22-vjeçari Joan Muçllari. Mësohet se një efektiv policie po hetohet në lidhje me këtë ngjarje pasi është i afërmi i njërit prej personave të arrestuar ditën e sotme. Mësohet se efektivi i policisë ka lidhje familjare me njërin nga të arrestuarit dhe ka dyshime se mund të ketë ndihmuar autorët në arratisjen e tyre nga vendi i ngjarjes. Efektivi po hetohet nga Agjencia e Mbikëqyrjes policore dhe Prokuroria e Pogradecit.
Kujtojmë se deri më tani, në lidhje me këtë ngjarje janë arrestuar shtetasit: Fatjon Bono, Kristian Kresto, Hekuran Gjona, Ledion Shkullaku dhe Rudi Shaho. Ndërkohë vijojnë të jenë ende në kërkim autorët e ngjarjes, Firdeus Berberi dhe Greisi Maxhari. Këta dy të rinj e kanë sharë si fillim Muçllarin dhe më pas e kanë goditur me armë në këmbë dhe thikë në kokë. Joan Muçllari është djali i biznesmenit Jetmir Muçllarit, pronari i hotel Volorekës në Pogradec. Ndërkohë Firdeus Berberi është djali i Ilir Berberit, i cili është i arrestuar pasi në vitin 2020 ka qëlluar me armë në drejtim të hotel Volorekës.
