Kamerat e sigurisë “kapin” ekzekutorët e biznesmenit grek, braktisën motorin e vjedhur dhe…
Mediat greke kanë publikuar pamjet nga kamerat e sigurisë në zonë ku shihen e dy ekzekutorët me pagesë të Giannis Skaftourou, të hipur në motorin që lanë pas atentatit vrasës.
Këta persona kanë hapur zjarr në oborrin e shtëpisë së Skaftouros, për pasojë ai ka humbur jetën dhe kanë mbetur të plagosur vajza dhe vjehrri.
Lidhur me motoçikletën që autorët kanë braktisur, u konstatua se ishte vjedhur në vitin 2019 nga zona e Aspropirgos dhe është një motor 1200 metër kub. Në të njëjtën kohë, sipas pronarit të mjetit që tentoi të arratisej pas aktit të tyre, autorët e vrasjes flisnin rrjedhshëm greqisht, ishin me gjatësi mesatare, mbanin rroba të zeza dhe helmeta të zeza, ndërsa brenda helmetave mbanin kapuçët e fytyrës për të mos u identifikuar.
Skaftouros kishte frikë se ishte shënjestruar për t’u ekzekutuar, ndaj përdori truproja të armatosur dhe lëvizte shumë pak.
Fakti që, sipas dëshmitarëve okularë, katër persona morën pjesë në ekzekutimin e ” xhaxhit Joe “, të cilët udhëtuan jashtë Athinës duke rrezikuar një lëvizje të tillë, tregon se ishte një ‘kontratë e shtrenjtë vdekjeje’ që pakvrasës me pagesë e kanë aftësinë për t’a bërë. Për këtë arsye, autoritetet janë në kërkim të të gjitha çështjeve pezull që ka pasur Giannis Skaftouros vitet e fundit pas lirimit, në mënyrë që përmes detajeve të gjejnë fundin e fillit dhe të arrijnë tek vrasësit e tij.
