Nga Emili Bibolli
E turpshme! Jemi në vitin 2022 dhe është pothuajse e pamundur të dëgjosh një debat të vetëm që të jetë konstruktiv, të ketë pretendime reale, argumenta, dhe të ruhet etika gjatë replikave. Komisioni i mbledhur ishte ai për Edukimin dhe Mjetet e Informimit Publik, komision ky që vetëm me Edukimin nuk kishte lidhje, siç mund të shihet nga veprimet e pahijshme të deputetes Zhupa.
- Zonja në fjalë është votuar për të përfaqësuar në Parlament njerëzit që e kanë votuar apo për të bërë zhurmuesen në komision dhe për të kryer akte aspak qytetare?
- A i kanë hije një deputeteje aq më tepër një zonje akte të tilla të turpshme?
- Si mundet një grua të sulmojë një tjetër grua?
- Pse gjithmonë opozita në pamundësi për të paraqitur argumente në mbrojtje të akuzave që i adreson një qeveritari priret të përbaltë, dhunojë, shkatërrojë?
- Kjo është mënyra se si bëhet opozitë në Shqipëri?
Fatkeqësisht kjo është fytyra e vërtetë e të ashtuquajturës opozitë shqiptare. Konstruktiviteti është zvendësuar me destruktivitetin dhe etika me banalitetin, ndaj politika shqiptare vazhdon të lëngojë çdo ditë e më shumë.
