Më 1 maj në Portugali festohet dita e nënave, dhe për këtë një mesazh në story në Instagram e ka shkruar edhe partnerja e Cristiano Ronaldo-s, Georgina Rodriguez.
Vetëm pak më shumë se një javë, ajo pësoi një humbje të madhe. Një prej binjakëve që priste nuk ia doli të jetonte.
Kështu në këtë ditë të shënuar për nënat në Portugali, Georgina ka përmendur në një farë mënyre edhe humbjen e të birit të porsalindur.
“Për ato që janë, për ato që kanë qenë, për ato që donin të ishin dhe unë nuk munda, për ata që përpiqen, për ato që sillen si të tilla, pa qenë të tilla, e atyre që vendosin të mos jenë… Të gjithave neve, krijueseve të jetës … Gëzuar ditën e nënave” – shkruajti ajo.
