Teksa lufta në Ukrainë vazhdon, edhe krimet e tmerrshme për të cilët ushtarët rusë akuzohen vazhdojnë të shtohen.
Së fundmi, tabloidi britanik “The Sun”, ka publikuar një video ku duken dy ushtarë rus që vrasin dy civilë ukrainas të paarmatosur pasi u kërkuan cigare. Pamjet janë regjistruar nga një kamera sigurie në një stacion metroje në Kiev, ndërsa ato datojnë më 16 mars.
❗️Graphic content@CNN showed how the Russian military killed 2 unarmed men on March 16. At first,the Russians asked the two Ukrainians for cigarettes, and when they left, they shot them in the back. The victims are the owner of a car salon and a 68-year-old security guard pic.twitter.com/XGIj50luxp
— Hanna Liubakova (@HannaLiubakova) May 12, 2022
Ushtarët rusë u afrohen fillimisht civilëve dhe sipas “The Sun” u kërkojnë cigare. Pas përfundimit të bisedës mes tyre, 2 burrat ukrainas vazhdojnë rrugën e tyre qetësisht, ndërsa ushtarët rusë nxjerrin armët dhe i qëllojnë me një breshëri plumbash duke lënë të vdekur në vend njërin prej tyre dhe duke plagosur tjetrin. Burri i plagosur shihet teksa përpiqet të ndalojë rrjedhjen e gjakut duke lidhur plagën, por fatkeqësisht pa sukses pasi ai vdes nga gjakderdhja e tepërt.
