Në çdo kohë, presidenti rus Vladimir Putin mund t’i nënshtrohet një operacioni për kanceër. Lajmin e bën të ditur “The Sun” duke cituar burime nga Kremlini. Oligarku rus, i cituar nga media britanike thotë po ashtu se 69-vjeçari është shumë i sëmurë pasi vuan nga malinjiteti hematologjik.
Sipas raportimit, lideri rus shoqërohet nga rojet e tij gjithë kohës në dalje publike në mënyrë që problemi i tij të kalojë pa u vënë re. Dalja e lajmit do të shkaktonte trazira jo vetëm në Rusi, por dhe në komunitetit ndërkombëtar.
Sipas kanalit rus të opozitës “General SVR” në Telegram, presidenti rus kërkon me çdo kusht që të mos e tregojë mungesën e tij dhe të ketë kontrollin e plotë të vendit të tij. Kanali rus raportoi gjithashtu se Kremlini ka në dispozicion video më të vjetra të Putinit, dhe mund t’i përdorur për të “treguar” se ai është në këmbë.
“Ora e operacionit tashmë është përcaktuar”, siç pretendon rrjeti rus, duke theksuar se procedura do të bëhet në agim.
Sa i përket rikuperimit, Putinit mund t’i duhen dy deri në dhjetë ditë për t’u rikuperuar plotësisht, në mënyrë që të mund t’u kthehet detyrave të tij.
