Sali Berisha ka bërë një krahasim të çuditshëm gjatë takimit me mbështetësit e tij në Durrës. Ai e krahasoi veten me Steve Jobs. Ish-kryeministri tha se siç Jobs ndryshoi botën me teknologjinë, ai do të ndryshojë Shqipërinë.
“Jemi në një moment kritik, por unë jam besimplotë dhe unë ju shoh ju dhe shoh shqiptarë të vendosur. Mos harroni se jemi 40 mijë në këmbë. Kaluam të gjitha këto vështirësi, të tjerat nuk janë të pakta, por të kalueshme. Kthimi im është si kthimi i Steve Jobs, i cili pas një seri pabesirash dhe qëndrimesh që e nxorën në rrugë, u kthye dhe me një iPhone ndryshoi botën, ndërsa ne së bashku do ndryshojmë Shqipërinë”, tha Berisha nga Durrësi.
