Pse dështoi ekzekutimi i Endrit Dokles? Dumani urdhëroi ta ndiqnin që të mësonte…

113 563 lexime

124,178FansaPëlqeje

Dëshmia e vrasësit me pagesë, Nuredin Dumani solli 18 të arrestuar dhe dhjetëra të tjerë të shpallur në kërkim. Një ndër ta ishte dhe Henrik Hoxhaj, i njohur si bashkëpunëtor i Dumanit në disa vrasje.

Mësohet se Hoxhaj ka dhënë informacione me vlerë për policinë, teksa ka treguar se si Dumani i ka kërkuar të mbledhë informacione për të eliminuar Endrit Doklen.

Hoxhaj tregon të gjithë rrugën që ka ndjekur për të mbledhur këto informacione, që nga vëzhgimi në një kompleks vilash ku dyshohej që Dokle qëndronte me qira, e deri te informacionet mbi makinën e blinduar që ai lëvizte.

“Nuredini më ka dhënë porosi për vrasjen e Endrit Dokles. Kjo ka qenë rreth para një viti, ku unë bisedoja shpesh me Nuredinin të cilin e njihja edhe me emrin Luli. Në një nga këto biseda, që po kryenim në telefon ai më thotë se do gjetur ku është Endrit Dokle dhe duhet të merrnin masa për ta bërë.

Çmimi ishte mbi 500 mijë euro pasi sipas Nuredinit personi nga i cili kishte marrë porosinë i kishte thënë kërko sa të duash, pra i kishte lënë dorë të lirë tek çmimi. Gjithashtu, Nuredini kishte informacion se Indriti jetonte tek një vilë në kompleksin Rolling Hills. Me makinë me qira kam shkuar deri te TEG për të vënë re nëse mund ta shihja Indritin, por nuk e kam parë. Nga muhabete lart e poshtë kisha dëgjuar se Indriti lëvizte me një fuoristradë të blinduar Toyota”, thotë Hoxhaj.

Ai ka treguar më tej, se makinën në fjalë e ka parë në afërsi të liqenit artificial, por nuk ka kryer veprime të tjera pasi thotë se Dokle nuk ishte “objektiv i lehtë”.

Lexo edhe :  Gjermani! 37-vjeçari vret gruan, merr foshnjën dhe vetëvritet

“Në një nga këto lëvizje, tek TEG unë e kam parë këtë makinë tek rrotondo që ndodhet tek diga e liqenit artificial afër kopshtit zoologjik. Thjesht e kam parë, por nuk kam bërë asnjë ndjekje. Ky objektiv nuk ishte i lehtë dhe kjo porosi ngeli vetëm me fjalë dhe nuk kam kryer asnjë veprim. Nga biseda me celular me Nuredinin e kemi lënë pezull dhe kemi biseduar për gjëra të tjera. Nuk kisha dijeni se ku ndodhej Nuredini gjatë kësaj kohe që unë po kryeja verifikime për Indritin”, shton më tej ai.

Nga ana tjetër Nuredin Dumani ka treguar se vrasjen e Dokles e kishte kërkuar Ervis Martinaj, për ekzekutimin e të cilit ka ofruar 500 mijë euro. Nga këto para, Dumani pranon se ka marrë 100 mijë euro në formën e paradhënies. Kujtojmë që Martinaj është shpallur në kërkim nga policia.

SPAK dhe policia e shtetit kryen dje kontrolle edhe në hotelin që dyshohej se fshihej, po përveç një sasie droge dhe disa sendeve personale, nuk arritën të gjenin të dhëna të tjera që mund të çojë në gjurmët e Martinajt.

Të fundit

Pjatalarësi që themeloi kompaninë 4 trilionë dollarëshe, historia e CEO-s së Nvidia

Kur Jensen Huang, shefi ekzekutiv 62-vjeçar i Nvidia shfaqet me xhaketën e lëkurës para një publiku, është e vështirë...

“Apokalips” në Greqi/ Mbi 5 mijë zjarrfikës në luftë me flakët

Spanja vijon edhe këtë të enjte betejën me flaket që kanë shkrumbuar me mijëra hektarë pyje dhe zona të banuara.  Autoritetet njoftuan viktimën e...

Trump që gëlltit gënjeshtrat e Putinit është kërcënim më i madh për Ukrainën sesa bombat

Rafael Behr Në Alaskë, udhëheqësi rus do të pretendojë se dëshiron paqe, por vetëm sipas kushteve të tij – dhe do të shfrytëzojë dëshpërimin e...

Fillestarët e Gluck-ut: kompozitori i shekullit XVIII ndryshoi përgjithmonë operën

Më shumë se 250 vjet pasi Orfeu dhe Euridika e Gluck prezantoi operën në një mënyrë të re, një inskenim akrobatik synon të bëjë...

Shqipëria në luftë me flakët, bilanci: 29 vatra zjarri ende aktive

Gjatë 48 orëve të fundit, Shqipëria është përballur me një situatë të vështirë për shkak të përhapjes së zjarreve në disa qarqe të vendit....

Lajme të tjera

Web TV