Kryetari i Grupit Parlamentar në Partisë Socialiste, Taulant Balla në fjalën e tij në Kuvend tha se në çdo raport të BE-së thuhet se Shqipëria ka përmbushur 100% kushtet dhe kriteret që të mbahet konferenca e parë për integrimin në BE. Balla ironizoi edhe fitoren e Berishës, si kryetar i PD-së, ku tha se ishte një fitore kundër Amerikës.
‘Në qershor presim mbajtjen e Konferencës së parë ndërqeveritare. Dua ta them shumë qartë Shqipëria nuk mund të jetë dëmi kolateral i një çështje ku Shqipëria nuk është pjesë farë, në debatin mes Bullgarisë dhe Maqedonisë së Veriut. Në të gjitha raportet e BE-së thuhet qartë se Shqipëria i ka përmbushur 100% të kushteve dhe kritereve. Ndaj ka të drejtë që në këtë periudhë të mos merret peng nga vende të tjera. Përderisa është thënë troç se çdo vend do të vlerësohet sipas performacës së tij, edhe ne duam që të na vlerësohet performanca. Keni kthyer anti-amerikanizmin në doktrinë. Bashkohuni në një trup të vetëm edhe me fitoren që keni arritur kundër Amerikës dje.’- tha Balla.
