Ky është Ibrahim El Salih (Lekica), 56-vjeçari që ra ditën e sotme në prangat e policisë, nën akuzë për thirrje dhe propagandë pro veprimeve ekstremiste dhe terroriste në vendin tonë.
Një mbështetës i ‘zjarrtë’ i ISIS, 56-vjeçari përdorte Facebook-un për të shpërndarë thirrjet e tij, e po ashtu për të shprehur mbështetjen për veprimtarinë terroriste të shtetit islamik.
Nga hetimet e kryera prej disa muajsh nga Drejtoria e Antiterrorit në Policinë e Shtetit, në bashkëpunim me Byronë Kombëtare të Hetimit (BKH) dhe SPAK-un, duke përdorur metodat proaktive, u bë i mundur identifikimi i personit që përdorte këto profile false, shtetasi Ibrahim El Salih (Lekica), person me prirje ekstremiste fetare, i cili postonte në rrjetet sociale, shkrime të ndryshme në përkrahje të ISIS. Gjithashtu, i bënte thirrje qytetarëve, për përkrahje të luftës në Siri.
