Ish-presidenti i SHBA-ve, Donald Trump, u ka bërë thirrje ligjvënësve amerikanë që t’i japin përparësi financimit për sigurinë e shkollave, në vend të dërgimit të ndihmës ushtarake në Ukrainë.
Duke folur në një konferencë pro armëve, Trump vuri në dyshim se si SHBA “ka 40 miliardë dollarë për të dërguar në Ukrainë”, por nuk mund të sigurojë sigurinë në shkolla.
Ndërhyrja vjen disa ditë pasi, 21 persona humbën jetën nga të shtënat në një shkollë në Teksas.
“Përpara se të ndërtojmë kombin në pjesën tjetër të botës, ne duhet të ndërtojmë shkolla të sigurta për fëmijët tanë në vendin tonë”, tha Trump në fjalimin e së premtes, duke marrë duartrokitje të forta.
