Triumfi i Nadal ndaj Djokovic, por edhe temat më të nxehta të merkatos, kanë qenë kryefjala për ditën e sotme në mediat më të njohura sportive.
Ja cilët janë titujt kryesorë të shtypit sportiv për sot.
“AS” i kushton faqen e parë Marco Asensios dhe të ardhmes së tij te Real Madrid, ndërkohë që futbollisti shprehet: “Ancelotti më ka thënë se beson tek unë”.
“840 milionë për të shpëtuar varkën”, është titulli i “SPORT”, që flet për situatën e vështirë ekonomike të Barcelonës, ndërkohë që klubi katalanas dëshiron të bëjë dhe investime të rëndësishme në merkato.
Për merkaton dhe objektivat e klubit katalanas shkruan edhe “Mundo Deportivo” që mban titullin “çfarë dëshiron Xavi”, ndërkohë që rrethohet nga emra si Kessie, Christensen, Azpiliqueta, Kounde, Lewandowski, Raphinha, Marcos Alonso apo edhe Bernardo Silva.
“Skuadra duhet të jetë ylli” është titulli i “L’Esportiu”, e cila titull kryesor mban deklaratën e trajnerit të ri të Espanyol, Diego Martinez.
“Këtu është Rafa”, është titulli i “Marca”, e cila i kushton faqen e parë tenistit spanjoll që mposhti tenistin serb Novak Djokovic.
“Nata e gjigantëve” është titulli kryesor në faqen e parë të “L’Equipe”, që gjithashtu ka në fokus përballjen e djeshme Nadal-Djokovic, ku tenisti spanjoll ja doli të triumfonte.
“Shkelje, 5000 tifozë të Liverpool dëshmojnë për horronin në Paris”, shkruan “Mirror Sport” për atë që po ndodh pas finales së Champions League, ku polemikat duket se do vazhdojnë për një kohë të gjatë.
“Milani i Cardinale ka lindur” është titulli i “La Gazzeta dello Sport, që ka në fokusin e saj shitjen e klubit kuqezi tek fondi amerikan “RedBird”.
Për te njëjtën tematikë rezervon faqen e saj të parë edhe “Corriere dello Sport”, e cila shkruan “Milan mbulohet me ar”.
“Chiellini-Messi, finalja përfundimtare”, është titulli i “Tuttosport”, që në faqen e parë po ashtu ka në fokus edhe transferimin e mundshëm të Di Maria-s me titullin: “Ai do vetëm Juven”
