SHBA do t’i dërgojë Ukrainës sisteme më të avancuara raketash për ta ndihmuar atë të mbrohet, ka njoftuar Presidenti Biden.
Armët që janë kërkuara prej kohësh nga Ukraina, do ta ndihmojnë atë të godasë forcat armike më saktë nga një distancë më e gjatë. Deri më tani, SHBA e kishte refuzuar kërkesën nga frika se armët mund të përdoreshin kundër objektivave në Rusi.
Presidenti i SHBA, Joe Biden tha se ndihma vdekjeprurëse do të forconte pozicionin negociator të Kievit kundër Rusisë dhe do të bënte më të mundshme një zgjidhje diplomatike.
“Kjo është arsyeja pse unë kam vendosur që ne do t’u ofrojmë ukrainasve sisteme dhe municione më të avancuara raketash që do t’u mundësojnë atyre të godasin më saktë objektivat” tha ai.
Ndërkohë, ministri i Jashtëm rus, Sergei Lavrov, ka deklaruar se Dërgimi i raketave të shumta për forcat ukrainase është një provokim i drejtpërdrejtë.
“Dërgimi i raketave të shumta për forcat ukrainase është një provokim i drejtpërdrejtë që shënon përfshirje në konflikt”, kështu deklaroi ministri i Jashtëm rus, Serghei Lavrov , në një konferencë për shtyp në Riad.
