“Tirana në sytë e fëmijëve” është projekti më i fundit i organizuar nga Bashkia e Tiranës kushtuar fëmijëve të kopshteve të kryeqytetit. Ky aktivitet u zhvillua paraditen e sotme në Parkun Rinia ku fëmijët krahas festës, patën mundësinë të tregonin si e shohin qytetin përmes zërit dhe punimeve të tyre.
I pranishëm ishte dhe vetë kryebashkiaku Erion Veliaj, i cili u njoh me disa nga pikturat e fëmijëve pjesëmarrës në këtë event. Punimet e fëmijëve kanë ardhur pas vizitave që kanë bërë nëpër qytet. Aty ata shprehin gjithashtu si duan ta shohin qytetin e tyre në të ardhmen.
Kjo është harta e vendndodhjeve të gjithë kopshteve të Tiranës, të cilët u angazhuan në këtë projekt. Kjo ishte një mënyrë e re e të mësuarit të fëmijëve, që synon zhvillimin e kreativitetit.
