Sfidat e Nations League, largimi i Marcelo nga Real Madrid si dhe merkato e klubeve europiane janë në fokus të gazetave sportive për ditën e sotme.
Ndërkohë, më poshtë janë disa prej titujve kryesorë të tyre:
“Ah ky largim” është titulli i “AS”, që i kushton faqen e parë largimit të mbrojtësit legjendar Marcelo nga Real Madrid pas 15 vitesh dhe 25 trofeve të fituar.
“Marca” gjithashtu i rezervon krejtësisht faqen kryesore mbrojtësit brazilian, një ditë pas lamtumirës zyrtare me Real Madrid me titullin: Kjo ishte…
“SPORT” flet për një zhvillim të papritur brenda skuadrës së Barcelonës: “Xavi nuk e llogarit më Pique-në”, është titulli i gazetës spanjolle.
Për të njëjtën temë shkruan edhe “Mundo Deportivo”, e cila titull kryesor ka një pjesë të asaj që Xavi i ka thënë Pique-së: Nuk të shoh më si titullar.
“Shumë më poshtë”, është titulli i “L’Esportiu”, e cila i kushton faqen e parë humbjes së Barcelonës ndaj Real Madrid në basketboll me rezultatin 75-88.
“Mirorr Sport” mban titullin: “Ndalo së lodhuri Kane-n Gareth”, para sfidës së sotme të Anglisë ndaj Hungarisë.
“Futboll i zier” është titulli i “L’Equipe”, e cila shkruan për humbjen e Francës ndaj Kroacisë ditën e djeshme me rezultatin 0-1, ku vendosi Luka Modric.
“La Gazzeta dello Sport” hapet me merkaton e Interit ku në qendër është Paulo Dybala. “Dybala tek Interi, e bind edhe e ëma” është titulli kryesor i gazetës italiane.
“Sulm mbi de Ligt”, është titulli i “Corriere dello Sport”, e cila paralajmëron një garë mes Chelsea, PSG dhe Manchester City per mbrojtësin holandez të Juventus.
“Gatti, ti je si ne”, është titulli kryesor i “Tuttosport” që i referohet deklaratës të Chiellinit për mbrojtësin e ri italian.
