Nga 1 nëntori, Serbia nuk do të jetë në gjendje të importojë naftë ruse për shkak të sanksioneve të BE-së. Lajmin e bëri të ditur presidenti serb Aleksandar Vuçiç sipas medias ruse, TASS i cili shtoi se arsyeja kanë qenë sanksionet e BE-së.
“Dhjetëra probleme të reja dalin çdo ditë. Ne konsumojmë 350 ton naftë në ditë dhe në dimër do të shpenzojmë shtatë herë më shumë. Duhet të gjejmë naftë, nuk ka mjaftueshëm karburant në NIS.
Më 1 nëntor, ne nuk do të jemi më në gjendje të importojmë naftë ruse sipas sanksioneve aktuale dhe Zoti e di se çfarë sanksionesh do të vendosen deri atëherë”, tha Vuçiç.
Më herët, Vuçiç tha se sanksionet e BE-së kundër naftës ruse tërhoqën 600 milionë dollarë nga xhepi i Serbisë.
“Vetëm duke vendosur sanksione ndaj naftës ruse, na kanë marrë direkt 600 milionë dollarë nga xhepi! 600 milionë dollarë janë marrë direkt nga xhepat e qytetarëve serbë, kjo është brenda një viti. Njerëzit në Serbi duhet ta dinë këtë. Kirkuku, nafta irakiane është 31 dollarë. për fuçi më shtrenjtë. Ata na morën 600 milionë dollarë dhe ne ende duhet të investojmë para shtesë për gaz”, tha Vuçiç.
