Merkato ka hyrë në një fazë tepër të nxehtë dhe tratativat mes shumë futbollistëve të njohur me klube të mëdha kanë avancuar, duke bërë që të jenë kryefjalë e mediave sportive për ditën e sotme.
Më poshtë titujt kryesorë të tyre:
“Ky Mbappe, nuk është Mbappe-ja im”, është titulli kryesor i “AS”, që në fokusin e saj ka vendosur intervstën e presidentit madrilen, Florentino Perez. Ky i fundit rrëfeu gjithçka sa i përket negociatave për sulmuesin francez, por nuk ja mbylli derën në të ardhmen.
“Ofertë e re, 32mln + bonuse” është titulli i “SPORT”, që zbulon lëvizjen e fundit në merkato nga ana e Barcelonës për të afruar sulmuesin polak, Robert Lewandowski.
“Marca” si titull kryesor ka intervistën e Eder Militao, i cili deklaroi: “Alaba dhe unë jemi dyshja më e mirë në botë”
“Përshëndetje, përfundoi”, është titulli i “L’Esportiu”, që triumfoi ndaj Real Madrid me rezultatin 71-69 në basketboll.
Edhe Mundo Deportivo mban titull kryesor, “Kjo është liga”, duke ju referuar triumfit të katalanasve në basketboll, që barazuan setet ndaj Real Madrid dhe tani do të shkohet në sfidën finale.
“Mirror Sport” flet për situatën në kombëtaren angleze, ku trajneri Southgate ka qenë ‘nën shënjestrën’ e tifozëve pas humbjes 0-4 ndaj Hungarisë. “Tallje për të qëndruar”, është titulli i prestigjiozes angleze.
“Në tranzit” është titulli i “L’Equipe” ku në fokus është Christophe Galtier, i cili ka gjasa të lërë Lille-n, për të marrë drejtimin e Paris Saint Germain.
Ndërkohë shtypi italian sportiv është fokusuar tek merkato e klubeve kryesore italiane.
“La Gazzeta dello Sport” hapet me lajmin e transferimit të mundshëm nga Chelsea tek Interi të Romelu Lukaku, me dy klubet që kanë nisur negociatat. “Mbërrin Lukaku” është titulli i gazetës italiane.
Edhe “Corriere dello Sport” gjithashtu ka në fokus lëvizjen e mundshme të sulmuesit belg drejt zikaltërve. “Lukaku-Inter, po nga Chelsea”, është titulli kryesor në faqen e parë.
“Tuttosport” ka në fokus organikën e Juventusit dhe të rinjtë që mund të bëhen elementë shumë të vlefshëm për skuadrën bardhezi, por edhe nga ata që mund të afrohen në merkato. “E ardhmja e Juventusit” është titulli i gazetës torineze, ndërkohë që në sfond janë lojtarë si: Miretti, Rovella Fagioli, e Ranocchia.
