Aksionet e OFL-së, ministri i Brendshëm bën bilancin: 2199 subjekte të hetuara në total

113 563 lexime

124,178FansaPëlqeje

Ministri i Brendshëm Bledi Çuci në interpelancën e tij me deputetin e PD-së, ka bërë publike rezultatet e deritanishme të OFL-së. Sipas ministrit, numri total i subjekteve të hetuar nga Operacioni Forca e Ligjit është 2199, nga të cilët 1682 janë subjekte të evidentuar nga Drejtoritë Vendore të Policisë.

REZULTATET E OFL
Numri total i subjekteve të hetuar nga Operacioni Forca e Ligjit është 2199, nga të cilët:
•1682 janë subjekte të evidentuar nga Drejtoritë Vendore të Policisë;

•475 janë praktika të iniciuara nga vetë Struktura e Posaçme “OFL”;
•42 janë subjekte të evidentuar nga Drejtoria e Antiterrorit.

“Ajo që mund të them është se vetëm në kuadër të Aktit Normativ për OFL, gjatë periudhës 01 Shkurt 2020 – 31 Dhjetor 2020, Policia e Shtetit ka hetuar 2199 subjekte, nga të cilët 741 subjekte janë njoftuar për të bërë vetë-deklarimin e pasurisë (prej të cilëve 617 subjekte të aktit dhe 124 lidhje famijare/shoqërore të subjekteve) dhe pas përfundimit të vetedeklarimit, 239 praktika janë referuar në SPAK.

Së pari, me Drejtoritë Vendore të Policisë në qarqe, të cilat i kanë të evidentuar këta shtetas nëpërmjet verifikimeve të vendndodhjes së tyre, të lidhjeve familjare, miqësore dhe shoqërore, të pronave që ata administrojnë, të pronave që ata i kanë të regjistruara në emër të personave të tjerë apo pronat që ata i kanë tjetërsuar, informacion, i cili është përpunuar, plotësuar dhe dërguar nga struktura e OFL-së në SPAK.
Së dyti, struktura e OFL-së ka marrë nga Drejtoria e Përgjithshme e Burgjeve, të gjitha listat e të dënuarve dhe të atyre që janë aktualisht duke vuajtur dënimin për veprat penale që janë objekt i atij akti.
•Dhe së treti, OFL ka marrë edhe nga Departamenti i Bashkëpunimit Ndërkombëtar listën e të dënuarve jashtë shtetit për veprat penale objekt të këtij akti.
Kërkesa të kthyera nga SPAK për plotësim dokumentacioni
Nga Prokuroria e Posaçme Kundër Korrupsionit dhe Krimit të Organizuar janë kthyer për plotësim materiali 54 kërkesa për sekuestro të referuara nga OFL, kërkesa të cilat janë plotësuar dhe ridërguar brenda afateve të përcaktuara.” tha Cuci.

Të fundit

Von der Leyen: Nëse Putin ndal bombardimet, negociatat janë të mundshme

Presidentja e KE-së, Ursula von der Leyen deklaroi se negociatat për paqe në Ukrainë janë të mundshme nëse Vladimir...

Fjalimi i Ramës në Athinë, Minxhozi: Dha mesazhe të forta

Analisti Skënder Minxhozi thotë se kryeministri Edi Rama dha mesazhe të forta në fjalimin e tij në Athinë, të takmin e tij me komunitetin...

Ekzekutimi i efektivit në Fier, reagon drejtori i Përgjithshëm i Policisë së Shtetit

Do bëjmë gjithçka që autori të dalë para ligjit, thotë drejtori i Përgjithshëm i Policisë së Shtetit Muhamet Rrumbullaku, për Asllan Mernicën, vrasësin e 28 vjeçarit Novruz Cenalia. "Policia e...

U betua në emër të Maqedonisë! Edhe Bullgaria reagon ndaj presidentes Davkova

Bullgaria nuk pranon deklarata dhe sjellje që bien ndesh me Marrëveshjen për miqësi, fqinjësi të mirë dhe bashkëpunim të vitit 2017, si dhe marrëveshje...

Vrasja e efektivit të “Shqiponjave”/ Reagon Balla: Autori të dorëzohet

Ministri i Brendshëm, Taulant Balla i ka bërë thirrje autorit të vrasjes së policit në Fier, Novruz Cenalia që të dorëzohet. Në një prononcim për...

Lajme të tjera

Web TV