Deputeti i PS-së, Erion Braçe ka mbajtur fjalën e tij në foltoren e Kuvendit, ku fokusi i tij ishte sektori i bujqësisë.
Braçe deklaroi se do të votojë pro projektligjit të propozuar nga Agron Duka, “Për disa shtesa dhe ndryshime në ligjin nr. 9817, datë 22.10.2007 “Për bujqësinë dhe zhvillimin rural”.
“Do e votoj Projektligjin tënd zoti Duka, se nuk e bëj gabimin tuaj qe vjet votuat kundër në nëntor dhe dhjetor. (Duartrokitet nga PD). Ky është problemi që kemi në këtë sallë, që ndahemi sipas ngjyrave politike edhe për çështje që janë themelore.”, tha Braçe, duke u duartrokitur nga kolegët e tij, sidomos nga ata nga opozita.
