Çekia merr presidencën e BE-së, Kovaçevski: Po shqyrtojmë propozimin francez!

113 563 lexime

124,178FansaPëlqeje

Republika çeke merr sot presidencën e radhës së BE-së, dhe listën e prioriteteve të radhës së saj për të udhëhequr Këshillin e Bashkimit Europian e ka të gjatë, por zgjerimi i bllokut nuk është lart në axhendë.

Në krye të listës, Praga do të ketë Ukrainën. Pas Polonisë, Çekia është vendi i BE-së që mbështet më fort Kievin, ku ka dërguar armë përfshirë dhe tanke, e ka strehuar edhe 350 mijë refugjatë ukrainas. Me këtë në mendje, Parisi zyrtar nxitoi të përmbushte kërkesën e Shkupit për të modifikuar propozimin e tij në ditën e fundit të presidencës franceze, ashtu siç kishte kërkuar pala maqedonase, duke pranuar disa nga vërejtjet e saj.

Arritja e një marrëveshjeje tani mbi këtë dokument, do t`i hapte rrugën zhbllokimit të procesit të integrimit europian. Kryeministri maqedonas, Dimitar Kovacevski, pasi u pyet për detajet e propozimit të ri francez, tha ato do të bëhen të ditura në ditët në vijim, por shtoi se aspektet historike – një nga çështjet më të ndjeshme në kontestin me Sofjen – nuk do të jenë pjesë e kornizës negociuese për anëtarësim në BE.

Kovacevski: Tashmë na mbërriti edhe zyrtarisht propozimi francez pas ndërhyrjes sonë javën e kaluar në Bruksel. Propozimi do të publikohet pasi të kalojë të gjitha filtrat në institucione. Do të pasoje një proces i gjerë në të cilin do të përfshihen edhe presidenti dhe opozita.

Kovaçevski bëri thirrje që opinion të përmbahet nga spekulimet pasi siç tha ai, vendimi do të miratohet me konstruktivitet dhe do të mbrojë interesat kombëtare. Sot janë parashikuar një sërë takimesh dhe konsultash lidhur me propozimin, që pas kësaj do të publikohet i plotë në faqen e ëeb-it te qeverisë.

Lexo edhe :  Shërbimi sekret serb, 10 vite që përdor "software" të dyshimtë vëzhgimi

Bullgaria anëtare e BE-së kishte refuzuar të miratojë kuadrin e negociatave të anëtarësimit për Maqedoninë e Veriut, për shkak të mosmarrëveshjeve mbi historinë dhe gjuhën. Por ligjvënësit bullgarë votuan për të lejuar qeverinë të heqë veton e saj pas ndryshimeve në tekstin e kuadrit që do të garantonte të drejtat e bullgarëve në Maqedoninë e Veriut përmes ndryshimeve kushtetuese dhe do të angazhonte Shkupin të mbajë marrëdhënie të mira me Bullgarinë.

Të fundit

“Nënë, nesër bëhem kryeministër!” Reagimi i së ëmës së Ramës: “Jep dorëheqjen ose…”

I rikthyer për vdekjen e të atit, në vitin 1998, Edi Rama mori ofertën për t'u bërë ministër i...

Shqiptarë, kujdes çfarë klikoni! Drejtoresha e Kibernetikës jep paralajmërimin

Prokuroria e Posaçme Antikorrupsion ka zhvilluar një operacion të përbashkët me autoritetet gjermane ku është goditur një grup kriminal i mashtrimit kompjuterik. Krah prokurorit të...

Orët e fundit para afatit, Trump tremb një sërë shtetesh me tarifat! (Detajet)

Bota përballet me tarifa më të larta nga administrata Trump duke filluar nga dita e nesërme, data 1 gusht, duke krijuar edhe më shumë...

20 mln euro për fermerët! Hapet skema e investimeve në bujqësi

Për sezonin e dytë të mbjellave bujqit do të kenë ca para të tjera në dispozicion. Ministria e Bujqësisë dhe Zhvillimit Rural ka hapur...

Lajm i mrekullueshëm! Ja çfarë zbuluan gërmimet në kalanë e Gjirokastrës

Në gërmimet arkeologjike që po bëhen në kalanë e Gjirokastrës, zbulimet e para përfshijnë gjurmë të një kulle të periudhës së antikitetit të vonë...

Lajme të tjera

Web TV