Kryeministri Edi Rama tha se nuk ka asnjë shans që të ndryshojë harta e re gjyqësore. Ndalur në bojkotin e avokatëve, Rama tha se nuk do të ketë sukses, nëse duan të ulen e bisedojnë.
“Harta gjyqësore është ajo dhe nuk ndryshon. Me qeverinë që unë drejtoj nuk mund të flitet me gjuhën e bojkoteve të shfaqjeve të kokëfortësisë. Ne këtu jemi kush ka diçka për të ndarë e ka të thjeshtë, të na kërkojë të ulemi të flasim. Harta gjyqësore është ajo dhe nuk ndryshon. Të bojkotojnë sa duhan, nuk ndryshon. Shqipëria nuk mund të mbetet peng i vetvetes dhe kaluarës së vet. Shqipëria nuk është Kina, as Amerika, as Franca është një vend shumë i vogël për të pasur zyra dhe institucione të panumërta. Harta është ajo, është konsultuar gjatë, e dakordësuar dhe kush i bie ndesh është në të drejtën e vet, por pengmarrja e qytetarëve për të bërë qeverinë të ndryshojë qëndrim është e pamoralshme, e shëmtuar dhe padobishme. S’ka asnjë shanc të ketë sukses”, tha Rama.
