E ftuar në një intervistë televizive, Ministrja për Marrëdhëniet me Parlamentin, Elisa Spiropali deklaroi se me datë 7 Korrik, që përkon me datën e protestës së Sali Berishës, të jepet përgjigja për negociatat.
Ajo deklaroi se të enjten, pritet vendimi për çështjen e negociatave dhe konferencën e parë ndërqeveritare për Shqipërinë dhe Maqedoninë e Veriut.
Sipas saj, vendi ynë do kërkojë shkëputjen nga RMV nëse ka një përgjigje negative për statusin kandidat dhe se qeveria i ka plotësuar të gjitha kushtet për hapjen e negociatave.
Ndër të tjera, ministrja tha se më mirë të hapen vonë se kurrë dhe se koha nuk është sot…
“Të gjitha gjasat janë. Por koha nuk është sot, ishte dje për konferencën e parë ndërqeveritare. Më mirë vonë se kurrë. Ne po e mendonim seriozisht për të aplikuar për ndarjen e procesit të Shqipërisë nga Maqedonia e Veriut.
Shqipëria i ka plotësuar të gjitha kushtet dhe detyrimet për këtë fazë të procesit dhe e mirëpresim të enjten”, deklaroi Spiropali ndër të tjera.
