Një ngjarje e rëndë ka ndodhur këtë të mërkurë në fshatin Remas të Lushnjës, ku një 56-vjeçar ka mbytur të atin.
Pas një sherri mes të dyve, Andrea Stasa dhunoi dhe mbyti 85-vjeçarin Mitër Stasën, duke e lënë pajetë në shtëpi. Sipas informacioneve të para dyshohet se i biri vuan nga probleme të shëndetit mendor, ndërsa një i afërm i familjes ka deklaruar se ata kanë pasur gjithmonë debate me njëri-tjetrin.
“Kanë pasur debate, por unë nuk kam qenë prezent, djali jetonte këtu, nuk mund të jap informacion të saktë, unë e kisha xhaxhanë tim, ata bashkë jetonin”, tha ai për mediat.
Po ashtu, djali ka qenë person me precedent penal, pasi ai ka qenë i dënuar në Itali me 13 vite burg dhe para pak kohësh ishte kthyer në shtëpi.
Në banesë jetonte babai me dy djemtë, ndërsa edhe djali tjetër është me probleme të shëndetit mendor. Autori 58-vjeçar është shoqëruar në Komisariatin e Policisë Divjakë dhe po punohet për zbardhjen e rrethanave të ngjarjes.
