Një ngjarje e rëndë ka ndodhur gjatë natës në Tiranë. Një foshnje 6 muajsh ka humbur jetën si pasojë e flakëve që përfshinë shtëpinë.
Ngjarja ka ndodhur pak pas mesante në një banesë private në lagjen ‘Ali Demi’. Dyshohet se shkak i zjarrit ka qenë bombola e gazit e cila ka marrë flakë. Burime bëjnë me dije se foshnja është nxjerrë nga shtëpia me shenja jete, por ka ndërruar jetë në spitalin pediatrik në Tiranë.
Foshnja ka qenë në shtëpi me gjyshen e tij, pasi e ëma nuk ndodhej aty. Mësohet se gjyshja, e identifikuar me inicialet J.L. ndodhet në spital nën kujdesin e mjekëve.
Dy zjarrfikëse kanë mundur t’i shuajnë flakët që ranë në banesë gjatë natës, ndërsa gjatë operacionit për shpëtimin e foshnjës dhe gjyshes por edhe për shuarjen e zjarrit, dy zjarrfikës kanë rrezikuar asfiksinë.
