Ferland Mendy, anësori francez e nis sezonin e tij të katërt në Real Madrid me një pasiguri të ngjashme me atë që u përball kur mbërriti në dhomën e zhveshjes së bardhë në vitin 2019. Kështu Mendy kishte sfidën të kundërshtonte pozicionin e një legjende të klubit, si dhe një lojtari shumë të dashur nga tifozët, si Marcelo. Me kohë dhe punë, ai përfundoi duke fituar vendin e titullarit. Tani ai përballet me një sfidë të re, për të hapur një konkurrencë ndaj David Alaba .
Nënshkrimi i Rüdiger e transferon Alaban në mbrojtësin e majtë, pozicion në të cilin ai u rrit si futbollist dhe në të cilin Ancelotti gjithashtu e vendosi atë tek Bayern pasi Guardiola kishte ‘zbuluar’ kushtet e tij si qendërmbrojtës. Konfigurimi i skuadrës sezonin e kaluar bëri që trajneri i Los Blancos ta vendoste ish-lojtarin e Bayernit si partnerin e Militaos në qendër të mbrojtjes. Por tashmë, ardhja e gjermanit do ta kthejë në krah.
Mendy ka luajtur rreth 35 ndeshje në secilin nga tre sezonet e tij, që është përkthyer në një mesatare prej 2,800 minutash të luajtura. Prania e tij në fushë ka qenë një hajmali për Real Madridin. Nga 73 ndeshjet e ligës në të cilat kanë marrë pjesë, Madridi ka humbur vetëm pesë. Të dhënat fitojnë fuqi nëse merren parasysh vetëm lojërat në të cilat ai ka qenë titullar. Një bilanc prej 47 fitoresh, 14 barazime dhe vetëm dy humbje në 63 paraqitje në njëmbëdhjetëshen e parë me Zidane dhe Ancelotti.
