Një 40-vjeçar ka rënë në prangat e policisë, pasi përplasi dje me motoskaf një të mitur në plazhin e Jonufrit në Vlorë. Burime zyrtare nga policia bënë me dije se bëhet fjalë për shtetasin me inicialet A.K., banues në Tiranë.
Ai akuzohet se nuk respektoi kufizimin me bova detare dhe u fut në zonën ku nuk lejohen mjetet lundruese dhe për pasojë dëmtoi 7-vjeçarin.
NJOFTIMI I POLICISË
Nuk respektoi kufizimin me bova detare dhe u fut në zonën ku nuk lejohen mjetet lundruese, për pasojë dëmtoi një shtetas të mitur, vihet në pranga 40-vjeçari.
Sekuestrohet mjeti lundrues tip motoskaf.
Specialistët për Hetimin e Krimeve në Komisariatin e Policisë Vlorë, në vijim të veprimeve hetimore në lidhje me ngjarjen e ndodhur pasditen e djeshme, në plazhin e Jonufrës, arrestuan në flagrancë, për veprën penale “Plagosja e rëndë me dashje”, shtetasin A. K., 40 vjeç, banues në Tiranë.
Shtetasi A. K. nuk ka respektuar kufizimin me bova detare dhe është futur në zonën në të cilën nuk lejohet lëvizja e mjeteve lundruese, ku si pasojë ka dëmtuar një 7-vjeçar që ishte duke notuar, i cili aktualisht ndodhet jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
