Ish-Kryeministri Berisha është ndalur sot në situatën ekonomike në vend.
Ai madje bëri një deklaratë të pazakontë, duke u shprehur se nëse ai do të ishte në pushtet, sot nuk do kishte shqiptar që do merrte më pak se 1500 euro rrogë.
Berisha: “Nuk ka kryeministër të një vendi që të ketë mundur të imagjinojë këtë që po ndodh. Është situatë e komplikuar, por ne do fillojmë nga qytetari nga zbutja e shpejtë e dhimbjeve të varfërisë.
A ka Shqipëria të garantojë minimumin jetik? 100%. Projekti ishte gati. E lamë gati në 2013, kishim 15 mijë familje dhe do e zhduknim. Sot janë 80. Nëse nuk rrisim rrogat dhe pensionet, fjalët mbesin bosh. Do investojmë tek njeriu. Sot nuk do kishte shqiptar që do merrte më pak se 1500 euro rrogë. Nëse i vihej qëllim vetes. Ku shkuan këto miliarda? Çfarë shohim ne?”
