Kryeministri Edi Rama do të thërrasë një tubim festiv në Sheshin Skënderbej në Tiranë javën e ardhshme.
Burime nga Kryeministria thonë se data nuk është vendosur dhe as ora, por thuhet se tubimi do të thirret nga Rama për të festuar çeljen e negociatave me Bashkimin Europian.
Kjo do të jetë arsyeja zyrtare, ndërsa jozyrtarisht manifestimi do t’i shërbejë Ramës për të testuar mbështetjen dhe ‘kthyer përgjigje’ tubimit të Sali Berishës më 7 korrik.
Manifestime të ngjashme ka thirrur edhe Sali Berisha kur ishte në pushtet, që nga ai për anëtarësimin në NATO, deri te tubimi festiv për liberalizimin e vizave.
Burimet thonë se Rama ua ka lënë porosi drejtuesve të 61 degëve të partisë në takimin që zhvilloi me ta ditën e mërkurë, të cilët i ka porositur që të organizohen për një tubim para nisjes së pushimeve të gushtit.
