Vr*sësit erdhën nga Laçi dhe u kthyen sërish, dikush i informonte për lëvizjet e Martinaj

113 563 lexime

124,178FansaPëlqeje

Nga Elton Qyno

Grupi i vrasësve me pagesë, që ekzekutuan Brilant Martinaj, Besmir Hoxhën dhe Diklen Vatën, rezulton të ketë qëndruar në gadishmëri, rreth 50 minuta, në një xhep të rrugës që ndodhet mes restorant “Brazilit” dhe mbikalimit të Fushë-Krujës.
Hetimi deri në këto momente ka provaur se makina ngjyrë e zezë tip “Passat” me targa të vjedhura në Tiranë, ka udhëtuar nga zona e Laçit në drejtim të mbikalimit të Fushë-Krujës.
Brilant Martinaj dhe Diklen Vata, janë ndjekur në distancë, gjatë kohës kur kanë mbëritur deri tek restorant “Brazili” që ndodhet buzë rrugës nacionale në fshatin Arrameras.
Në këtë ngjarje, ka marë pjesë dhe një makinë tjetër, që besohet se ka mbajtur nën vëzhgim Brilant Martinaj. Ndërsa “Passati” i zi me 4 personat e armatosur është pozicionuar në një xhep rruge, në pritje të kthimit drejt Laçit të objektivit.
Në parkimin e restorant “Brazilit”, Martinaj dhe Diklen Vata, kanë lënë makinën e tyre dhe me një makinë tjetër me targa Gjermane, të vjedhura një furgoni në Pogradec, kanë udhëtuar në drejtim të servisit në fshatin Larushk.
Vetë shoferi i makinës me targa Gjermane të vjedhura, që ka çuar dy viktimat në Larushk, nuk dihet ende se kush është dhe sot e kësaj dite nuk është identifikuar nga policia kriminale.

Ky individ, dyshohet se mund të jetë njeriu që ka informuar skuadrën e vrasësve me pagesë, e cila qëndronte në gadishmëri në anë të rrugës, pa shkuar në mbikalimi i Fushë-Krujës.
Qëllimi i vizitës në këtë fshat, ka qënë për faktin se Brilanti dhe Vata, kishin lënë një makinë për ta rregulluar. Sipas burimeve nga policia, makina ishte bërë gati, por puntorët nuk i kishin vendosur ende 4 gomat. Ndaj dy personazhet, rezultojnë se kanë falenderuar puntorët për punën e mirë që kishin bërë në makinë dhe janë larguar.
Në pamjet filmike të sekuestrura në servis nga policia, del qartë prezenca e tyre në këtë servis. Majde edhe punonjësit e servisit, kanë dëshmuar dhe kanë treguar në polici, gjithçka rreth bisedës së kryer mes dy personave dhe falenderimin e tyre.
I vetmi person që pamjet filmike, nuk kanë arritur ta kapin dhe nuk identifikohet nga punonjësit e servisit, është pikërisht shoferi i makinës me targa gjermane. Sipas burimeve, ky person ka qëndruar brenda në makinë dhe nuk ka zbritur për asnjë moment nga mjeti, ndaj dhe nga kamerat nuk identifikohet.

Lexo edhe :  Ura e Milotit mbyllet përfundimisht! Rreziku nga shembja paralizon qarkullimin

Pikërisht me këtë mjet dhe këtë person ende të paidentifikuar, Vata dhe Martinaj janë kthyer sërisht në parkimin e restorant Brazilit në Arrameras. Këtu kanë qëndruar për drekë, deri sa kanë njoftuar mikun e tyre Besmir Hoxha, për ti marë nga restorant “Brazili” dhe janë nisur në drejtim të Laçit.
Të gjitha këto lëvizje të tyre, janë vëzhguar nga një person, që mund të ketë qënë pjesë e klientelës së lokalit ose pikërisht njeriu ende i paidentifikuar.
Teksa “Passati” Gri, ku udhëtonin Besmir Hoxha në timon, Brilant Martinaj pasagjer, dhe Diklen Vata pasagjer, ka kaluar para syve të 4 vrasëve që qëndronin në gadishmëri, ata i janë vënë nga pas. Pikërisht në mbikalimin e Fushë-Krujës, “Passati” i Zi i autorëve parakalon “Passatin” ngjyrë Gri të viktimave, duke i dalë para dhe qëndruar në mes të rrugës.

Pikërisht në këtë moment rezulton të kenë zbritur nga makina 3 persona, duke hapur zjarr menjëherë. Besmir Hoxha dhe Briland Martinaj, kanë mbetur të vdekur në vend, duke mos pasur mundësi të reagojnë. I vetmi që ka dalë nga makina ishte Diklen Vata, i cili është vrarë disa metra më larg.
Sipas burimeve të policisë, autorët e krimit dyshohet se janë dhe autorët e zjarrvënies më pas. Ndërsa janë larguar në drejtim të Laçit, duke djegur makinën dhe mos pasur deri në këtë fazë të hetimit, asnjë person të dyshuar dhe identifikuar.
Dyshimet janë ngritur mes rradhëve të grupit të hetimit se autorët, pas kanë ndjegur makinën në afërsi të Laçit janë larguar me një makinë tjetër në drejtim të Kosovës.

Të fundit

6,000 kamionë me ndihma janë gati për të hyrë në Gaza

Një mjek në Gaza thotë se palestinezët “nuk janë afër urisë, po e përjetojmë atë” , duke e përshkruar...

Veliaj nuk ka asnjë shans, zbulohet gruaja që po e fundos me dëshmitë e saj në SPAK

Për herë të parë që nga krijimi SPAK ka një të penduar drejtësie që rrëfen për korrupsionin e zyrtarëve të lartë. Dhe kjo ka...

“Keni 7 ditë kohë të lironi territorin e zaptuar”, qeveria vijon me ultimatumet

Bizneset të cilat janë të lokalizuara pranë akseve kombëtare duke mos respektuar distancën e sigurisë nga rruga, do të kenë 7 ditë kohë duke...

Lista: Kush janë 10 lojtarët më të shtrenjtë në botë?

Lamine Yamal është shpallur lojtari më i vlefshëm në botë, me një vlerësim marramendës prej 279.7 milionë euro, sipas analizës së fundit nga 'Football...

Pato i jep lamtumirën futbollit, legjenda do jetë “baba full time”

Alexandre Pato, ish-sulmuesi i Milanit, ka vendosur t’i japë fund karrierës si futbollist. Në një intervistë rrëfyese për “Gazzetta dello Sport”, braziliani flet me...

Lajme të tjera

Web TV