Në Akërni të Vlorës po vijojnë punimet prej disa muajsh për ndërtimin e Aeroportit të ri Ndërkombëtar të Vlorës. Kreu i qeverisë, Edi Rama, ka publikuar një foto nga pista e ndërtuar e cila tashmë ka marrë formën e saj.
‘Pista e Aeroportit Ndërkombëtar të Vlorës ka marrë formën e saj’- shkruan Rama.
Aeroporti i Vlorës, një investim mbi 100 milionë Euro, premtim i kryeministrit Rama për mandatin e tretë, pritet që të hapë 1 mijë vende pune të reja, do të ulë çmimet e biletave dhe do ta kthejë Vlorën në portën më të rëndësishme turistike të rajonit.
